Eserleri :

Şiir : 1.Sahrâ (1878), 2. Divân eli kl erim yahut Belde (1885), 3.Makber (1885), 4.Ölü (1885), 5.Bunlar Odur (1885), 6.Hacle (1886)
Tiyatro : 1 .Mâcerâ-yı Aşk (1873), 2.Sabr ü Sebât (1875), 3.Đçli Kız (1875), 4.Duhter-i Hindû (1876), 5.Nazîfe (1876), 6.Nesteren (1876), 7Tezer (1880), 8.Eşber (1880), 9.Finten (1918)

"MAKBER''DEN

Andıkça seni büyür hayâlim; Bir fecr-i azîm olur leyâlim.
Nâmın ne kadar enîs-i cândır!.. Feryâdım ile sana revândır.
Allâh... derim, gelir mecâlim; Allâh... derim, biter zevâlim.
Tahrîki ile uçar bu savtın, Gamdan ne kadar kırılsa bâlim.

"BÂLÂDAN BİR SES"TEN

Ah!.. O kuvvet saçlarında hayâlât-ı semâviyye mütenevvic veya nâsiyesinde semâvât-ı hayâliyye müteheyyic bir melektir. Cenâheyn-i rûhâniyyetinin bi ri mehtâbı müntic olur ki tenvîr-sâz-ı vicdân, diğerinden şafak vücûda gelir ki lem'a-nisâr-ı irfândır. Hakkıyla tayyettiği reh-güzâra bakılsa kehkeşâna benzer ki Perverdigârdan Perverdigâra gider; ezeliyyetten kopup nâmütenâhîliğe pervâz eder. Nigâh-ı şefâatı ufk-ı ümmîde şebîhtir ki her hareket, her in'itâfında ulviyyeti artar. Bi r elinde ebediyyet, bir elinde bârika-i mehâsin, garîb bir şitâb ile gider; ki zekâ ve irfân kâinâtının en yü kse k noktaları olan rüûs-ı âliyeye sâye-zen-i tahsîsdir. Güyâ ki câvidân-ı bahâr-ı nûrâniyyetin şükûfe-i tâiri denmeğe cesbân olan şehper-i kebûd-rengi bir fikr-i semâvîdir ki berk-misâl meyyâl-ı ulviyyet olan tabiat-ı şâirâneye ıktırân eder. Künyesi sevdâdır ki bir tecellî-i mahsûs-ı Zülcelâl denilse becâdır. Bâzan böyle binlerce temâsil-i dilberin zü-zeneb kevkebler misilli bulunduğum âlem-i bâlâ-terin miyânından güzâr ettiğini görür, hâiz-i neşât olurum.


"MAKBER''DEN

Tâbût!.. O rehnümâ-yı makber, Tâbût!.. O heykel-i mükedder,
Tâbût!.. O hatîb-i summ u ebkem, Tâbût!.. O bürûdet-i mücessem.
Tâbût!.. O sükût-ı pây der-ser, Tâbût!.. O musîbet-i mükerrer,
Tâbût!.. O vahşet-i muannid, Tâbût!.. O makber-i seferber,
Tâbût!.. O inkılâb-ı hâmûş, Serhadd-i revân-ı akl-ı medhûş.
Tâbût!.. O harâbezâr-ı ümmîd, Tâbût!.. O iğbirâr-ı câvid,
Tâbût!.. O z ıll- ı haşr-ber-dûş, Tâbût!.. O mevt-i cûş-der-cûş.




» Nüve Forum » kütüphane » Kültür » Edebiyat » Edebiyatçılar » Şairler


kaynak